போதை தரும் பேதையா?

31 மார்ச் 2019

முகப்பு > தொகுப்புகள் > கவிதை

போதை தரும் பேதையா?
பேதை தரும் போதையா?
எதை தொட, எதை விட?
விட்டுவிடாமல் தொடவா?
தொட்டுவிடாமல் விடவா?

நெஞ்சமா மஞ்சமா?
கொஞ்சும் விழி மிஞ்சுமா?
கண்டதென்ன கொஞ்சமா?
காணாதெல்லாம் நஞ்சமா?

அடியெடுக்கும் அரும்பே
குடிகெடுக்கும் குறும்பே
பகையறுக்கும் பறம்பே
உயிருருக்கும் உரும்பே

என்னுயிரோலம் கேளாயோ?

ஆடித்தான் போகிறேன்
அளவெடுத்த முன்னழகில்
தேடித்தான் வேர்க்கிறேன்
தென்படாத இடையழகில்

தொடத்தான் துடிக்கிறேன்
தவிலொத்த பின்னழகை
விடத்தான் மறுக்கிறேன்
திமிரெடுத்த பேரழகை

பெயரென்ன, மொழியென்ன
நான் வாழ்ந்த வழியென்ன?
மறந்தொழிந்த பொழுதின்று
புகழழிக்கும் இரவின்று …

பொருள் விளக்கம்:
பறம்பு - பாரி மன்னன் ஆண்ட மலை/நாடு
உரும்பு - கொதிப்பு

முகப்பு > தொகுப்புகள் > கவிதை

இந்த வலைப்பதிவை படித்ததற்கு நன்றி. இது உங்களை மகிழ்வித்து இருக்கும் அல்லது சிந்திக்க தூண்டியிருக்குமென நம்புகிறேன். உங்களுக்கு ஏதேனும் கேள்விகளோ அல்லது கருத்துக்களோ இருந்தால் என்னுடைய மின்னஞ்சல் முகவரிக்கு எழுதவும். நான் அனைத்தையும் படிப்பேன், பதில் தேவையிருந்தால் பதிலளிக்கிறேன்.

தொடர்ந்து என்னுடைய பதிவுகளை பெற RSS முகவரியை தொடரலாம், அல்லது உங்கள் மின்னஞ்சலிலும் பெறலாம்.

நான் ஒரு புத்தகப்பிரியன். நான் படித்து மகிழ்ந்த, மீண்டும் படிக்கலாம் என்றென்னும் புத்தகங்களின் பட்டியல் இதோ.