முன்னிரவு நேரம் …
சில்லென்ற மழைச்சாரல் …
மெலிதான மண்வாசனை …
தெருவோர மரங்களின் மௌனம் …
மஞ்சள் வெயில் உமிழும் விளக்குகள் …
யாருமற்ற சாலையொன்றில்
இருவருக்காக ஒரு தேநீர் கடை …
இதமான தேநீருடன்
சுகமாக கதைகள் பேச …
தினம் பார்த்த பூமுகம்
புதிதாக பார்வை வீச …
மிதமான குளிரிரவில்
மெதுவாக மெதுவாக
மீண்டும் மலர்ந்தது
மறந்துவிட்ட நம் காதல் !!!
பிடித்திருந்தது …
புரிந்தது …
குறிக்கோளின்றி சிலநாள்
இருத்தலும் நலமே !!!